नेपालीहरुको सास्कृतिक परम्परालाई जगेर्ना गर्दै हेप्पी नेपाल

नेपालको समृद्ध सांस्कृतिक विरासत कयौं शताब्दिहरूको अन्तरालमा विकसित भएको हो । नेपाल सांस्कृतिक विविधताले भरिएको देश हो । केही संस्कृति तिब्बत र केही भारतसँग मिल्दाजुल्दा छन् ।  बौदिक सनातन एवं प्राकृतिक धर्ममा विश्वास गर्ने नेपालीहरूले मनाउने प्रमुख पर्व दसैं हो । दशैं तथा तिहारको बेलामा नेपालीहरुले पिङ बनाउने र खेल्ने गर्छन् । पिङलाई रूखका हाँगामा वा चारतिर चारवटा बाँस गाडी तिनका टुप्पामा बाँधिएका गरालामा डोरी झुन्ड्याएर झुलेर वा मच्चाएर खेल्ने गरिन्छ । हवाईजहाज बन्नुभन्दा पहिले र अझै पनि हवाईजहाज चढ्न नसक्ने मानिसहरूले वर्षमा एकपटक भएपनि दशैंमा टिका लगाए पछि पिङ खेलेर जमीन छाड्नुपर्छ भन्ने चलन छ । विशेषगरी दशैंको बेलामा पिङको महत्त्व छुट्टै रहेको पाइन्छ । लोप हुदै गएपनि हाल आएर नेपाली परिवेशमा पिङलाई परम्परागत चलनहरूलाई जर्गेना गर्ने उद्देश्यले पनि गाउँठाउँमा युवाहरूको समूहहरु बनाएर पनि पिङ हाल्ने गरिन्छ । यसै सन्दर्भमा यस संस्था हेप्पी नेपालले पनि हामी नेपालीहरुको सास्कृतिक परम्परालाई जगेर्ना गर्ने उदेश्यका साथ साथै आवाशिय उपचारमा भर्ना भएका विरामीहरुको मनोरञ्जनका लागी पिङ हालिएको छ । पिङको मज्जा लिन भने बालबालिका देखि युवायुवती तथा वृद्धवृद्धाहरु पनि पछि पर्देनन् ।